काेराेना अपडेट: १०२४ जनामा संक्रमण, २२०६ जना डिस्चार्ज, १० जनाकाे मृत्यु

काठमाडौं । नेपालमा आज थप १ हजार २४ जनामा कोरोना भाइरस संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ३९ हजार ८८५ पुगेको स्वास्थ्य तथा जनसंख्या मन्त्रालयले जनाएको छ ।

यस्तै बितेको २४ घण्टामा २ हजार २०६ जना कोरोना भाइरस संक्रमण मुक्त भएका छन् ।

योसँगै हालसम्म निको हुनेको कुल संख्या २ लाख २४ हजार ५३ पुगेको छ । यसैगरी आजसम्म देशभर सक्रिय संक्रमितको संख्या १४ हजार २२५ रहेको छ ।

नेपालमा पछिल्लो २४ घण्टामा थप १० जनाको कोरोना संक्रमितकाे मृत्यु भएको छ ।

याेसँगै नेपालमा कोरोना भाइरसकाे संक्रमणबाट मृत्यु हुनेकाे संख्या १ हजार ५ सय ७७ पुगेको स्वास्थ्य तथा जनसंख्या मन्त्रालयले पुष्टि गरेको छ ।

यस्तै हिजाे नेपालमा १ हजार २७२ जनामा कोरोना भाइरस संक्रमण पुष्टि भएको थियाे ।

तपाईको प्रतिक्रिया

सम्बन्धित समाचार