Bal-Umang

Bal-Umang

दोस्रो पटक भिडियो कन्फ्रेन्समा ओलीले भने – ‘मेरो स्वास्थ्य राम्रो छ’

दोस्रो पटक भिडियो कन्फ्रेन्समा ओलीले भने - ‘मेरो स्वास्थ्य राम्रो छ’

काठमाडौं – प्रधानमन्त्री केपी शर्मा ओलीले मंगलबार भिडियो कन्फ्रेन्समार्फत् मन्त्रीहरुसँग छलफल गरेका छन्। मृर्गौलाको उपचार गर्न सिंगापुर रहेका प्रधानमन्त्री ओलीले दोस्रो पटक भिडियो कन्फरेन्समार्फत् मन्त्रीहरुसँग मन्त्रालयका काम कार्वाहीबारे मंगलबार आवश्यक छलफल गरेका हुन्।

सरकारका प्रवक्ता एवम् संचार तथा सूचना प्रविधिमन्त्री गोकुल बाँस्कोटाका अनुसार प्रधानमन्त्रीले छलफलको क्रममा मन्त्रालयको काम कार्वाहीमा देखिएको समस्या समाधानका लागि आवश्यक सुझाव तथा निर्देशन दिएका छन्।

छलफलका क्रममा प्रधानमन्त्री ओलीले सबै मन्त्रालयको काम कार्वाहीको बारेमा जानकारी लिएका थिए। त्यस क्रममा प्रधानमन्त्री ओलीले आफ्नो स्वास्थ्य राम्रो रहेको पनि बताए। प्रधानमन्त्री ओलीको स्वास्थ्य अवस्था राम्रो रहेको र उहाँ आगामी शुक्रबार स्वदेश फर्कने कार्यक्रम रहेको पनि सरकारका प्रवक्ता बास्कोटाले पुष्टि गरे।

मृर्गौलाको उपचारका लागि सिंगापुर रहेका प्रधानमन्त्री ओलीले यस अघि पनि भिडियो कन्फ्रेन्समार्फत् मन्त्रीपरिषदका सदस्यहरुसँग छलफल गरेका थिए। यस अघि प्रधानमन्त्री ओलीले नेकपा संसदीय दलका कार्यबहाक नेता सुभाष नेम्वाङसँग पनि टेलिफोन संवाद गरी आफ्नो स्वास्थ्य राम्रो रहेको सन्देश दिए।

तपाईको प्रतिक्रिया

सम्बन्धित समाचार