यातायातमन्त्री मन्त्री महासेठकाे मिडियामाथि यस्ताे दादागिरी, पत्रकारमाथि औंला नै ठड्याए!

काठमाडौं- भौतिक पूर्वाधार तथा यातायातमन्त्री रघुवीर महासेठले भिडियो खिच्न सञ्‍चार माध्यामहरुलाई रोक लगाएका छन्।मन्त्री महासेठले आईतबार आफ्नै मन्त्रालयमा भिडियो खिच्न सञ्‍चार माध्यामहरुलाई रोक लगाएका हुन्।

अवरुद्ध काठमाडौं–नुवाकोट सडक सञ्‍चालनका लागि ज्ञापन पत्र बुझाउन गएका नेपाली काँग्रेस  जिल्ला कार्य समिति, नुवाकोटको ज्ञापन पत्र बुझ्ने क्रममा पुगेका संचारकर्मीहरुलाई दम्भकाे शैलीमा भिडियो खिच्न रोक लगाएपछि उनकाे अालाेचना भइरहेकाे छ।

आफ्नो कार्यकक्षबाट कार्यक्रम स्थलमा प्रवेश गर्ने वित्तिकै उनले आक्रामक शैलीमा क्यामेरातर्फ औंलो ठड्याउँदै क्यामेरा बन्द गर्न सचेत गराए। ‘यसरी भिडियो लिन हुन्‍न,’ मन्त्री महासेठले आक्रामक शैलीमा भन्नु भयो, ‘क्यामरा बन्द गर्नुस्, फोटो लिनुस्, यसरी भिडियो लिन हुन्‍न।’ कानुनमार्फत् मिडियामाथि अकुंश लगाउने प्रयास गरिएको भन्दै सरकारको चर्को आलोचना भइरहेको छ। यही बेला मन्त्री महासेठले आदेशको शैलीमा आफू सहभागी कार्यक्रमको भिडियो खिच्न रोक लगाए। मन्त्री महासेठले सञ्चार माध्यामहरुलाई भिडियो लिन हुन्‍न भने पनि त्यसको कारण भने बताउन चाहेनन्।

तपाईको प्रतिक्रिया

सम्बन्धित समाचार