Bal-Umang

Bal-Umang

प्रहरीलाई ठूलाे सफलता : ‘मोस्ट वान्टेड’ नसिम खाँ पक्राउ

कपिलवस्तु – प्रहरीको सूचीमा ‘मोस्ट वान्टेड’को रुपमा रहेका नसिम खाँ पक्राउ परेका छन्। केन्द्रीय अनुसन्धान ब्युरो (सीआइबी) द्वारा खटिएको प्रहरी टोलीले विशेष सूचनाको आधारमा खाँलाई काठमाडौंको बानेश्वरबाट पक्राउ गरेको हो।

कपिलवस्तुलाई केन्द्र बनाइ अपहरण, फिरौती र हत्या जस्ता ८ वटा घटनामा संलग्न रहेको आरोपमा खाँलाई पक्राउ गरिएको सीआइबीका प्रवक्ता तथा एसपी दिपक रेग्मीले बताए।

कपिलवस्तुमा श्रृंखलाबद्ध अपराधका घटना गरेर भारतमा लुकीछिपी बस्दै आएपछि खाँलाई मोस्ट वान्डेट सूचीमा राखेर खोजी गरिएको एसपी रेग्मीले बताए।

सीआइबीका प्रमुख डीआइजी निरज शाहीले फरार अभियुक्त खोज्ने सिलसिलामा खाँलाई राजधानीबाट पक्राउ गरिएको बताए।  पछिल्लो समय २०७४ वैशाख १३ गते मायादेवी गाउँपालिका–४ का वडाध्यक्ष फतेह मोहम्मदका छोरा ५ वर्षीय मोहम्मद अयमान मुसलमानको अपहरणपछि हत्या गरेको किटानी जाहेरी जिल्ला प्रहरी कार्यालयमा दर्ता गरिएको छ। खाँमाथि प्रहरीमा ७ वटा कर्तव्यज्यान र एउटा डाँका मुद्धा दर्ता छ । कपिलवस्तु प्रहरीलेसमेत विशेष टोली बनाएर खानको खोजी गरिरहेको थियो।

तपाईको प्रतिक्रिया

सम्बन्धित समाचार