Bal-Umang

Bal-Umang

उपेन्द्र र महतोबीच गोप्य बैठक,पार्टी एकिकरणदेखि मन्त्रिमण्डल फेरबदल हुने तयारी

जनकपुर । समाजवादी पार्टी नेपालका केन्द्रीय अध्यक्ष उपेन्द्र यादव र राष्ट्रिय जनता पार्टी नेपालका अध्यक्ष मण्डलका सदस्य राजेन्द्र महतोबीच गोप्य कुराकानी भएको छ ।उनीहरूबीच जनकपुरमा अढाई घण्टे गोप्य कुराकानी भएको हाे।

गोप्य बैठकमा पार्टी एकीकरणदेखि प्रदेश नम्बर २ को मन्त्रिमण्डलको फेरबदलसम्मको कुराकानी भएको स्राेतले बताएकाे छ। प्रदेश नम्बर २ को सरकारप्रतिको असन्तुष्टीलाई साम्य पार्ने विषयमा पनि छलफल भएकाे हाे।

शुक्रबार जनकपुरमा अन्तर्राष्ट्रिय योग दिवसको अवसरमा उपप्रधानमन्त्री समेत रहेका यादव र नेता महतोबीच गोप्य वार्तापछि पार्टी एकीकरणको लागि सकारात्मक सहमति जुटेको समाजवादी पार्टीको एक नेताको दावी छ ।

राजपा नेपालले पार्टी एकीकरणको लागि केन्द्रीय सरकारबाट फिर्ता हुनका लागि दवाव दिइरहेको बेला जनकपुरमा गोप्य बैठकबाट पार्टी एकीकरणका लागि छिट्टै नै कार्यविधि तय गरी अघि बढ्ने सहमति भएको बताइएको छ ।

पार्टी एकीकरणको लागि समाजवादी पार्टी सधैँ सकारात्मक रहेको बताउँदै प्रदेश नम्बर २ का आर्थिक मामिला तथा योजना समेत रहेको समाजवादी पार्टी प्रदेश संयोजक विजयकुमार यादवले जानकारी दिए ।

उनले तत्कालिन संघीय समाजवादी फोरमकै बेलादेखि राजपासँग एकीकरणको लागि पहल भइरहेको र हाल तत्कालिन नयाँ शक्ति पार्टी नेपालसँग समेत एकीकरण भइसकेकोले एकताको लागि सकारात्मक रहेको उनले प्रष्ट्याए ।

त्यस्तै राजपा नेपालका प्रवक्ता कृष्ण सिंहले विगतदेखि पार्टी एकीकरणको सवालमा सहमति जुटिसकेकाले केहि सैद्धान्तिक सवालमा भने अझैँ कुराकानी मिल्न नसकेको बताए । उनले समाजवादी पार्टीले राष्ट्रपति प्रणाली, पार्टी अध्यक्ष मण्डल र प्रदेश सरकारको मन्त्रिमण्डल फेर्ने लगायतका विषयमा गम्भीर कुराकानी भएको जनाए ।

लामो समयदेखि पार्टी एकीकरणको लागि औपचारिक तथा अनौपचारिक रुपमा छलफल बहस भईरहँदा समाजवादी पार्टी र राजपाबीच पार्टी एकीकरणको विषयमा गहन छलफल भएकाे हाे।

तपाईको प्रतिक्रिया

सम्बन्धित समाचार