दिल्ली विमानस्थलमा नेपाली राेकिएपछि…

काठमाडाैँ – नयाँदिल्लीस्थित इन्दिरा गान्धी अन्तर्राष्ट्रिय विमानस्थल भएर शुक्रबार स्वदेश फर्किन तरखर गरेका ११ नेपालीलाई त्यहाँकाे प्रशासनले उड्न रोक लगाएपछि यसको सबैतिर चर्चा सुरू भएको छ।

विमानस्थल अधिकारीहरुले बस वा ट्रेनबाट आएकाहरु फर्कदा पनि त्यसरी नै जानुपर्ने भन्दै विमानमा जान नदिएको पीडितहरूले भारतस्थित रहेको नेपाली दूतावासमा गुनासो गरेपछि कुरा बाहिर आएको हो।

नेपाली नागरिकलाई उड्न रोक लगाइएको सुन्नासाथ भारतीय पक्षसँग कुराकानी गरिएको दूतावासका प्रवक्ता हरि ओडारीले बताए ।उनले भने,’त्यो सुन्नेबित्तिकै हामीले विमानस्थल अध्यागमनसँग कुराकानी गर्‍यौ, उहाँहरुले रोक्ने नीति छैन भन्ने जवाफ दिएका हुन्।’ शनिबार दूतावासले ट्विट गर्दै अबदेखि इन्दिरा गान्धी अन्तर्राष्ट्रिय विमानस्थलले यस्ताे प्रकृतिकाे घटना नदाेहराउने जानकारी दिएकाे बताएकाे छ।

तपाईको प्रतिक्रिया

सम्बन्धित समाचार