Bal-Umang

Bal-Umang

‘राजा महेन्द्र र वीरेन्द्रमा पनि ओलीको जस्ताे अहम र घमण्ड थिएन’

प्रमुख प्रतिपक्षी दल  नेपाली कांग्रेस नेता उदयशम्सेर राणाले वर्तमान प्रधानमन्त्री राजाभन्दा अहम र घमण्डीकाे जस्ताे रवैया देखाएकाे टिप्पणी गरेका छन्।

खोटाङमा बुधबार कांग्रेसको राष्ट्रिय जागरण अभियान उद्घाटन गर्दै कांग्रेस नेता राणाले वर्तमान प्रधानमन्त्री केपी ओली राजाभन्दा अधिनायकवादी बनेको आरोप पनि लगाए।

‘राजा वीरेन्द्रमा पनि केपी ओलीको जति अहम र घमण्ड थिएन, राजा महेन्द्रमा पनि यो किसिमको अहम र घमण्ड थिएन,’ राणाले भने, ‘मंगलबार त्यो किसिमको घमण्ड लिएर संसदमा बोलियो। तिमी विपक्षी दल केही होईन, मैले जे भनेँ–भनेँ भन्ने दम्भ देखाइयो।’ नेता राणाले राष्ट्रपतिले ‘मेरो सरकार’ भन्दा कांग्रेस मात्र नभएर दुनियाँ हाँसेको बताए।

केन्द्रिय प्रतिनिधिकारुपमा खोटाङ आएका राणाले सरकारले बुढीगण्डकीको काम बिना प्रतिष्पर्धा चिनियाँ कम्पनीलाई दिएको, ३३ केजी सुन सामसुम पारिएको, वाईडबडीमा भएको अनियमिततामा संलग्नलाई संरक्षण गरिएको बताए। ‘जुन कम्पनीले नेपालकै विभिन्न योजना डुबाईसकेको छ, त्यही कम्पनीलाई बिना प्रतिष्पर्धा बुढीगण्डकीको काम जिम्मा लगाइएको छ, वाईडबडीमा उस्तै समस्या छ,’ पूर्वअर्थ राज्यमन्त्री राणाले भने, ‘३३ किलो सुन कता हरायो ? जनताबाट उठेको कुरालाई सरकारले हाउसमा पनि अत्यान्त हल्का किमिसले लिएको छ।’

तपाईको प्रतिक्रिया

सम्बन्धित समाचार