सौगात मल्लको आफु हिट फिल्म फ्लप हुने ट्रेण्ड तोड्यो ‘फाटेको जुत्ताले’

करिअर नै गम्भिर मोडमा रहेपछि नायक सौगात मल्लले यसपटक चलचित्र ‘फाटेको जुत्ता’को प्रचारमा निकै राम्रो साथ दिए । चलचित्र चल्नु अगाडिदेखि नै प्रचारमा दौडिएका सौगात चलचित्र रिलिज भएपछि पनि शनिबार दिनभर विभिन्न हलमा पुगे ।

नायिका प्रियंका कार्कीले चलचित्रको प्रचारमा खासै साथ नदिएको समयमा सौगात भने यसपटक स्वार्थी देखिएनन् । उनको करिअरका लागि पनि यो चलचित्र महत्वपूर्ण छ । उनी, काठमाण्डौका मल्टिप्लेक्सदेखि सिंगल हलमा पुगे र दर्शकसँग सेल्फी खिचाए । दर्शकको भिड हलमा देखिएपछि उनी उत्साहित देखिएका थिए ।

चलचित्रले काठमाण्डौ बाहिरका हेटौडा, विगरञ्ज, चितवन लगायतका स्थानमा पनि राम्रो व्यापार गरेको छ । मधेसको कथालाई उठान गरेकाले पनि मधेस भेगमा चलचित्रको व्यापार बम्पर भएको दाबी अर्जुनको छ ।

शुक्रबार र शनिबार नै चलचित्रले १ करोड माथिको व्यापार गरेपछि अर्जुन उत्साहित छन् । निकेश खड्काले निर्देशन गरेको चलचित्रमा सौगात मल्ल, प्रियंका कार्की, कामेश्वर चौरासिया, बर्षा राउत, दयाहाङ राई लगायतका कलाकारको मुख्य भूमिका छ ।

तपाईको प्रतिक्रिया


सम्बन्धित समाचार