रिटमाथि सुनुवाई गर्दै सर्वोच्चले भन्यो– मुख्य न्यायाधिवक्ता दिपेन्द्र झाको योग्यता पुगेको छ, हटाउन मिल्दैन

काठमाडौं । प्रदेश नम्बर दुईको मुख्य न्यायाधिवक्तामा हालै नियुक्त भएका अभिवक्ता दिपेन्द्र झा विरुद्धको रिट निवेदन खारेज भएको छ । झाको शैक्षिक प्रमाण पत्र, योग्यता र अनुभव प्रमाण पत्रको आधारमा सर्वोच्चले रिटमाथि अन्तरिम आदेश दिन अस्विकार गरेको छ ।

बिहिबार रिटमाथि सुनुवाई गर्दै सर्वोच्च अदालतमा प्रधानन्यायधीस गोपाल पराजुलीको बेन्चले भनेको छ,– ‘उहाँको योग्यतामा कुनै कमी छैन, विरुद्धमा अन्तरिम आदेश दिने ठाउँ छैन ।’

सर्वोच्चको यो आदेशसँगै झाले आफ्नो नियुक्तिको प्रयोजनको लागि काम गर्ने बाटो खुला भएको छ । प्रारम्भिक चरणमै झाले अदालती जीत प्राप्त गरेका गरेका छन् ।

संघीय समाजवादी फोरम नेपालको सिफारिसमा अभिवक्ता प्रदेश नम्बर दुईको मुख्य न्यायाधिवक्ताको पदमा नियुक्त भएका हुन् ।

नवनियुक्त मुख्य न्यायाधिवक्ता दिपेन्द्र झा विरुद्ध सर्वोच्च अदालतमा रिट दायर भएको थियो । प्रदेश २ को मुख्य न्यायाधीवक्तामा अधिवक्ता झाको नियुक्तिप्रति प्रश्न उठाउँदै मंगलबार सर्वोच्चमा रिट निवेदन दर्ता भएको थियो ।

जबकि, अधिवक्ता झा कम्तीमा दश वर्ष कानूनको क्षेत्रमा अध्यापन, अन्वेषण गरेको योग्यताका आधारमा मुख्य न्यायाधिवक्तामा नियुक्त भएका छन् ।

यस्तो छ मुख्य न्यायाधिवक्ता झाको वकालती योग्यता,
प्रदेश नं. २ का मुख्य न्यायाधिवक्ता दिपेन्द्र झाले २०६२ सालमा त्रिभुवन विश्वविद्यालयबाट कानून संकायमा स्नातक गरेका छन् । अर्थात उनले कानुनमा स्नातक गरेको पनि १२ वर्ष पूरा भएको छ ।

उनी सन् २००७ जुन १० देखि २०१७ जुन १० सम्म एशियन लिगल रिसोर्स सेन्टरमा आवद्ध भई अध्ययन अनुसन्धानमा काम गरेका छन् । पछिल्लो दश वर्षमा झाले करिब १५ वटा अनुसन्धान मूलक पुस्तकहरु समेत प्रकाशन गरेका छन् ।

जसमध्ये तराईमा गैर न्यायिक हत्या, न्यायको खोजी, संविधानमा असहमति र फेडरल नेपाल चर्चित पुस्तक हुन् ।

झाले १२ वर्षअघि नै कानून संकायमा स्नातक गरेको र करिब ११ वर्षदेखि अध्ययन अनुसन्धानमा काम गरिरहेको प्रष्ट हुन्छ ।
उनले सन् २००५ मा नै राष्ट्रिय मानव अधिकार आयोगमा समेत काम गरेका थिए ।

तपाईको प्रतिक्रिया


सम्बन्धित समाचार