भारतीय नागरिक सांसदलाई सपथ नगराउन सचिवालयमा उजूरी दर्ता, सांसद दासको पद धरापमा

काठमाडौं ८, फागुन । दोहोरो नागरिकता लिएर भारतीय नागरिक रहेका माओवादी सांसद सुरेशचन्द्र दासलाई सपथ गर्न नदिन संसद सचिवालयमा उजूरी दर्ता भएको छ । उजूरी दर्तासँगै माओवादी सांसद दासको पद धरापमा परेको छ ।

नेपाली कांग्रेसका नेता रामहरि खतिवडाले भारतीय नागरिकलाई सपथ नगराउन माग गरेका छन् ।

सिरहा २ बाट निर्र्वािचत नेकपा माओवादी केन्द्रका नेता सुरेशचन्द्र दास भारतीय नागरिक तथा विहारको दरभंगाका मतदाता भएको तथ्य सार्वजनिक भएपछि कांग्रेस नेता खतिवडाले मंगलबार संघीय संसद सचिवालयलाई निवेदन लेख्दै भारतीय नागरिकलाई सपथ नगराउन आग्रह गरेका हुन् ।

नेपालको संविधानको धारा ८७ (१) क अनुसार प्रतिनिधि वा राष्ट्रियसभा सदस्यका लागि ‘नेपालको नागरिक’ हुनुपर्ने उल्लेख छ, तर केही माननीय सदस्य अन्य देशका पनि नागरिक भएको सूचना विभिन्न सञ्चारमाध्यमबाट प्राप्त भएको भन्दै खतिवडाले नेपाली नागरिकतालाई मात्र सपथ ग्रहण गराउन भनेका छन् ।

राष्ट्रपति विद्यादेवी भण्डारीले फागुन २१ गतेलाई संघीय संसदको प्रथम बैठक आह्वान गरेकी छन् । यो भन्दा पहिला नै प्रतिनिधि सभा र राष्ट्रिय सभाका सपथग्रहण हुने र त्यसमा भारतीय नागरिकलाई सपथ नगराउन कांग्रेस नेता खतिवडाले माग गरेका हुन् ।

तपाईको प्रतिक्रिया


सम्बन्धित समाचार