Bal-Umang

Bal-Umang

फोरम नेपालले बनायो राजपा नेपालसँग एकीकरण गर्न वार्ता समिति

काठमाडौँ – संघीय समाजवादी फोरम नेपालले वार्ता समिति गठन गरेको छ । फोरम नेपालले राष्ट्रिय जनता पार्टी (राजपा) नेपालसँग एकीकरण गर्नका लागि समिति गठन गरेको हो ।

राजधानीमा शनिबार देखि शुरु भएको केन्द्रीय समितिको बैठकले सो समिति गठन गर्ने निर्णय गरी गठन गरेको हो।राजपा नेपालका अध्यक्षमण्डलका सदस्य महन्थ ठाकुर र फोरम नेपालका अध्यक्ष उपेन्द्र यादवबीच यसअघि पनि एकीकरणका लागि छलफल भएको स्रोतले बताएको छ।

दुई दलको बीचमा एकीकरणका लागि दोस्रो तहका नेताहरुको बीचमा पनि पटक–पटक छलफल भइसकेको छ । तर, राजपा नेपालभित्र आन्तरिक विवाद शुरु भएपछि अहिले वार्ता र छलफल हाल स्थगित रहेको छ ।
मधेशमा एउटा वैकल्पिक शक्ति निर्माण गर्नका लागि भारतले दुई दलबीच एकीकरण गराउन चाहेको स्रोतले जनाएको छ ।

भदौ २४ गते भारतबाट फर्केका उपेन्द्र यादव असोज १६ गते यसबारे महन्थ ठाकुरकै निवासमा गएर छलफल गरेका थिए । सो भेटमा ‘आफू एकीकरणका लागि तयार रहेको र तपाईंहरु पनि आफ्नो पार्टीमा कुरा गर्नुस्,’ भनेर यादवले ठाकुरलाई भनेका थिए ।

राजपा नेपाल गठन हुनुभन्दा पहिला तत्कालिन सद्भावना र तमलोपासँग पनि फोरम नेपालको एकीकरणको प्रयास भएको थियो ।

पार्टी एकीकरणका लागि वार्ता टोली गठन गर्ने भनि राजनीतिक समितिबाट केन्द्रीय समितिमा प्रस्ताव आएको हो । यद्यपी राजपा नेपालसँग मात्र होइन, मुद्दा र विचार मिल्ने अन्य दलहरुसँग एकीकरण गर्नका लागि वार्ता समिति गठन गरेको पार्टीका केन्द्रीय सदस्य सन्तोष सिलवालले बताए ।

तपाईको प्रतिक्रिया


सम्बन्धित समाचार