Bal-Umang

Bal-Umang

पूर्व नेपाली सेनाले किन हाले ओली, प्रचण्ड र बादलका विरुद्ध सर्वोच्चमा मुद्धा

काठमाडौं – तत्कालीन शाहि नेपाली सेनावाट विद्रोह गरेर माओवादी सेनामा प्रवेश गरेर कैदी जीवन समेत विताएका एक जनाले नेपाल कम्युनिष्ट पार्टी (नेकपा)का अध्यक्ष तथा प्रधाानमन्त्री केपी शर्मा ओली, प्रचण्ड र गृहमन्त्री बादल विरुद्ध सर्वोच्च अदालतमा मुद्धा दर्ता गरेको छ।

ग्रामथान गाउँपालिका–३ मोरङका ३८ वर्षीय झलकुमार भगतले प्रधानमन्त्री ओलीसहित प्रचण्ड र गृहमन्त्री बादल लगायत उच्च ओहदाका व्यक्तिहरुविरुद्ध सर्वोच्च अदालतमा मुद्दा दायर गरेका हुन् ।

तत्कालीन नेपाली सेनाबाट विद्रोह गरेर २०६२ साल साउन ८ गते माओवादी सेनामा गएका भगत माओवादी शान्ति प्रक्रियामा आएपछि केहि समय स्थानिय स्तरमा वाइसिएल नेता भएपछि विचल्लीमा परेका हुन् ।

भगतलाई २०७४ मंसिर ८ गते राति आफ्नै निवासमा सुतिरहेका बेला मोरङ प्रहरीले पक्राउ गरी नेपाली सेनाको पूर्वी पृतना इटहरीको जिम्मा लगाएको थियो । प्रहरीले उनलाई निर्वाचनविरोधी गतिविधिमा संलग्न रहेको आरोपमा पक्राउ गरेको थियो । तर, पछि भगौडा भन्दै सेनाले नियन्त्रणमा लिएको पारिवारिक श्रोतले जानकारी दियो । भगतविरुद्ध २०७४ पुस १७ मा सैनिक अदालतबाट सर्वस्वसहित जन्मकैदको फैसला भएको थियो । हाल उनी मकवानपुरको भीमफेदी कारागारमा छन् ।

रिट निवेदकले आफूलाई विस्तृत शान्ति समझौता, तत्कालिन सात राजनीतिक दल र विद्रोही माओवादीबीच भएको सहमति लगायतको भावनाविपरीत फैसला सुनाइएको दाबी गरेका छन् । रिटमा प्रधानमन्त्री ओलीसहित शान्ति सम्झौताका हस्ताक्षरकर्ता तत्कालीन नेकपा माओवादी र हाल नेकपाका अध्यक्ष पुष्पकमल दाहाल प्रचण्ड, गृहमन्त्री रामबहादुर थापा बादल, प्रधानसेनापति पूर्णचन्द्र थापा, प्रहरी महानिरीक्षक सर्वेन्द्र खनालसहित २१ जनालाई विपक्षी बनाइएको छ ।

रिट निवेदकका पक्षबाट वरिष्ठ अधिवक्ताहरु कृष्णप्रसाद भण्डारी, शम्भु थापा, हरि फुयाँल, रमणकुमार श्रेष्ठ, गोविन्द बन्दी, बालकृष्ण न्यौपाने, उपेन्द्रकेसरी न्यौपाने, तुलसी भट्ट, शेरबहादुर केसी, रामप्रसाद श्रेष्ठ र एकराज भण्डारीले बहस गर्ने भएका छन् ।

तपाईको प्रतिक्रिया


सम्बन्धित समाचार